جے رام رمیش نے اپنی پوسٹ میں کہا کہ مودی حکومت کی چین کے حوالے سے ’مرحلہ وار پسپائی‘ اس وقت بھی جاری ہے، جب ہندوستان کا چین کے ساتھ تجارتی خسارہ ریکارڈ سطح تک پہنچ چکا ہے۔ ان کے مطابق اس صورتحال نے ملک کی صنعت، خاص طور پر چھوٹی، خرد اور درمیانی صنعتوں کو شدید نقصان پہنچایا ہے۔
انہوں نے الزام عائد کیا کہ اروناچل پردیش سے متعلق چین کی اشتعال انگیز سرگرمیاں بدستور جاری ہیں۔ ان کا کہنا تھا کہ میڈوگ میں دنیا کے سب سے بڑے آبی بجلی منصوبے پر کام جاری ہے، جس سے دریائے برہم پترا کے حوالے سے ہندوستان کے آبی تحفظ کو خطرات لاحق ہو سکتے ہیں۔
